بلوچستان میں پولیو وائرس کے خاتمے کے لیے ایک ہفتے پر محیط انسداد پولیو مہم کا آغاز آج سے کر دیا گیا ہے جو 4 اگست 2025 تک جاری رہے گی۔ مہم کے دوران 4 سے 59 ماہ کی عمر کے 5 لاکھ 85 ہزار سے زائد بچوں کو پولیو سے بچاؤ کی فرکشنل ان ایکٹیویٹڈ پولیو ویکسین (fIPV) کے ٹیکے اور اوورل پولیو ویکسین (OPV) کے قطرے پلائے جائیں گے۔
ایمرجنسی آپریشن سینٹر بلوچستان کے کوآرڈینیٹر انعام الحق کے مطابق یہ مہم صوبے کے 123 ہائی رسک یونین کونسلز میں جاری ہے جن میں کوئٹہ، پشین، چمن، ڈیرہ بگٹی، دکی، ژوب اور قلعہ عبداللہ شامل ہیں۔
انعام الحق نے والدین پر زور دیا ہے کہ وہ اپنے بچوں کو پولیو سے محفوظ رکھنے کے لیے ویکسین ضرور لگوائیں۔
مہم میں مجموعی طور پر 1,835 ویکسینیشن ٹیمیں حصہ لے رہی ہیں جن کی حفاظت کے لیے سیکیورٹی کے سخت انتظامات کیے گئے ہیں۔