سعودی عرب میں عمرہ کی سعادت حاصل کرنے کے بعد سفر کے دوران پیش آنے والے ایک افسوسناک ٹریفک حادثے میں خیبر پختونخوا کے ضلع بونیر سے تعلق رکھنے والے 7 پاکستانی جاں بحق جبکہ 6 زخمی ہو گئے۔
ذرائع کے مطابق بونیر کے علاقے ڈاگئی طوطالئی سے تعلق رکھنے والے 13 افراد کا قافلہ عمرہ کی ادائیگی کے بعد عرفات سے مدینہ منورہ کی طرف روانہ تھا کہ راستے میں ان کی گاڑی کو حادثہ پیش آیا۔
حادثے میں جاں بحق ہونے والوں میں مرد، خواتین اور بچے شامل ہیں۔ تمام افراد آپس میں قریبی رشتہ دار تھے۔
جاں بحق افراد کی نماز جنازہ آج رات سعودی عرب میں ہی ادا کی جائے گی جبکہ زخمیوں کو قریبی اسپتالوں میں طبی امداد فراہم کی جا رہی ہے۔