متحدہ قومی موومنٹ پاکستان کے اراکین قومی اسمبلی نے وفاقی حکومت کی جانب سے پیٹرولیم مصنوعات کی قیمتوں میں اضافے پر تشویش کا اظہار کیا ہے۔
حق پرست اراکین قومی اسمبلی نے کہا کہ پیٹرولیم مصنوعات کی قیمتوں میں اضافے سے مہنگائی کے ستائے عوام پر مزید بوجھ پڑتا ہے، وفاقی حکومت کوئی ایسی پالیسی بنائے جس سے معاشی اہداف بھی پورے ہوں اور عوام پر کم سے کم بوجھ پڑے۔
اراکین قومی اسمبلی کا مزید کہنا تھا کہ اس طرح کے فیصلوں سے سب سے زیادہ ملازمت پیشہ مڈل کلاس طبقے کے افراد متاثر ہوتے ہیں۔ مشکل فیصلوں میں عوام کی سہولت کو ترجیح دی جائے۔
حق پرست اراکین قومی اسمبلی نے حکومتِ پاکستان سے گزارش کی ہے کہ اس فیصلے پر نظر ثانی کرکے عوام کو زیادہ سے زیادہ ریلیف فراہم کریں۔