سونا ایک بار پھر مہنگا۔۔ فی تولہ سونے کی نئی قیمت کیا ہے؟

ملک بھر میں سونے کی قیمتوں میں ایک بار پھر اضافہ دیکھنے میں آیا ہے۔ آل پاکستان صرافہ جیمز اینڈ جیولرز ایسوسی ایشن کے تازہ اعداد و شمار کے مطابق فی تولہ سونا 1600 روپے مہنگا ہو کر 3 لاکھ 59 ہزار 700 روپے تک پہنچ گیا ہے۔

اسی طرح 10 گرام سونے کی قیمت میں بھی 1371 روپے کا اضافہ ریکارڈ کیا گیا، جس کے بعد اس کی نئی قیمت 3 لاکھ 8 ہزار 384 روپے مقرر ہوئی ہے۔

دوسری جانب بین الاقوامی مارکیٹ میں بھی سونے کے نرخوں میں تیزی کا رجحان جاری ہے، جہاں سونا 16 ڈالر بڑھ کر 3372 ڈالر فی اونس پر فروخت ہو رہا ہے۔