عالمی منڈی میں خام تیل کی قیمتوں میں اضافہ مسلسل جاری ہے۔
رپورٹ کے مطابق آج ہونے والے کاروبار میں برطانوی خام تیل کی فی بیرل قیمت میں 31 سینٹس اضافہ ہوا جس کے بعد قیمت 85.80 ڈالر فی بیرل ہوگئی۔
دوسری جانب یو ایس ویسٹ ٹیکساس انٹرمیڈیٹ کروڈ فیوچر 38 سینٹس یا 0.47 فیصد اضافے کے ساتھ 81.54 ڈالر پر پہنچ گیا۔ دونوں بینچ مارکس میں منگل کے روز ایک ڈالر فی بیرل سے زیادہ کا اضافہ ہوا۔
جبکہ رپورٹ میں امریکی پیٹرولیم انسٹی ٹیوٹ کے اعداد و شمار کے حوالے سے یہ بھی لکھا گیا ہے کہ 25 اگست کو ختم ہونے والے ہفتے میں امریکی خام تیل کے اسٹاک میں تقریباً 11.5 ملین بیرل کی کمی واقع ہوئی۔