محکمہ موسمیات کی پاکستان میں آج سے اتوار تک بارش اور طوفان کی پیش گوئی

محکمہ موسمیات نے ملک میں آندھی اور گرج چمک کے ساتھ بارش کی پیش گوئی کی ہے۔محکمہ موسمیات نے بدھ کو بتایا کہ مغربی ہوائیں 7 مئی کی رات سے ملک کے بالائی اور وسطی علاقوں میں داخل ہونے کا امکان ہے۔ 7 مئی سے وسطی اور جنوبی علاقوں میں نم آلود ہوائیں بھی داخل ہونے کی توقع ہے۔

 اس طرح پاکستان کے زیرِانتظام کشمیر میں 7 مئی کی شام سے 12 مئی کے دوران وادی نیلم، مظفرآباد، راولاکوٹ، پُونچھ، ہٹیاں، باغ، حویلی، سدھنوتی، کوٹلی، بھمبر اور میرپور) میں وقفے وقفے سے آندھی اور گرج چمک کے ساتھ بارش کا امکان ہے۔اس دوران چند مقامات پر موسلادھار بارش اور ژالہ باری کی بھی توقع ہے۔محکمہ موسمیات کے مطابق گلگت بلتستان میں 8 سے 12 مئی کے دوران دیامر، استور، سکردو، گلگت، ہنزہ، گانچھے اور شِگر میں وقفے وقفے سے آندھی اور گرج چمک کے ساتھ بارش کا امکان ہے۔اسی طرح 7 مئی کی رات سے 11 مئی کے دوران اسلام آباد، راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ اور لاہور میں وقفے وقفے سے آندھی اور گرج چمک کے ساتھ بارش کا امکان ہے۔اس دوران چند مقامات پر ژالہ باری کی بھی توقع ہے جبکہ 8 سے 10 مئی کے دوران قصور، اوکاڑہ، شیخوپورہ، سیالکوٹ، نارووال، حافظ آباد، وزیر آباد، خوشاب، سرگودھا، میانوالی اور جھنگ میں آندھی چلنے اور بارش کا امکان ہے۔ٹوبہ ٹیک سنگھ، چنیوٹ، ساہیوال، فیصل آباد، لیہ، بھکر، ملتان، بہاولپور، ڈیرہ غازی خان، بہاولنگر اور پاکپتن میں بھی وقفے وقفے سے جھکڑ چلنے اور گرج چمک کے ساتھ بارش کی توقع ہے۔محکمہ موسمیات کا کہنا ہے کہ خیبر پختونخوا میں 7 مئی کی شام سے 12 مئی کے دوران چترال، دیر، سوات، کوہستان، شانگلہ، بٹگرام، مانسہرہ اور ایبٹ آباد میں جھکڑ چلنے کے ساتھ بارش کی توقع ہے۔ اسی طرح ہری پور، بونیر، مالاکنڈ، باجوڑ، مہمند، خیبر، پشاور، صوابی، مردان، چارسدہ اور نوشہرہ میں بھی وقفے وقفے سے آندھی اور گرج چمک کے ساتھ بارش کا امکان ہے۔اس دوران چند مقامات پر موسلادھار بارش اور ژالہ باری کی بھی توقع ہے۔ 8 سے 10 مئی کے دوران کرم، اورکزئی، کوہاٹ، ہنگو، بنوں، لکی مروت، وزیرستان اور ڈیرہ اسماعیل خان میں وقفے وقفے سے آندھی اور گرج چمک کے ساتھ بارش کا امکان ہے۔صوبہ بلوچستان میں 7 مئی کی شام سے 10 مئی کے دوران کوئٹہ، ژوب، بارکھان، سبی، موسی خیل، خضدار، قلات، لسبیلہ، پنجگور، قلعہ سیف اللہ، قلعہ عبداللہ اور آواران میں جھکڑ اور گرج چمک کے ساتھ بارش کا امکان ہے۔اسی طرح صوبہ سندھ میں 8 مئی کی شام سے 10 مئی کے دوران سکھر، لاڑکانہ، میر پور خاص، جیکب آباد، کشمور، ٹنڈو اللہ یار، ٹنڈو محمد خان، تھرپارکر، سانگھڑ، عمر کوٹ اور مِٹھی میں آندھی چلنے اور گرج چمک کے ساتھ بارش کا امکان ظاہر کیا گیا ہے۔ممکنہ اثرات اور احتیاطی تدابیرآندھی، ژالہ باری اور موسلادھار بارش کے باعث کمزور انفراسٹرکچر (بجلی کے کھمبوں، درختوں، گاڑیوں، سولر پینلز وغیرہ) کو نقصان پہنچنے کا اندیشہ ہے۔کاشت کاروں سے کہا گیا ہے کہ اپنی فصلوں خاص طور پر گندم کی کٹائی کے معاملات موسمی حالات کے مطابق ترتیب دیں۔حکام نے تمام متعلقہ اداروں کو ’الرٹ‘ رہنے اور کسی ناخوش گوار واقعے سے بچنے کے لیے تمام ضروری اقدامات کرنے کی ہدایت کی ہے۔