عید الفطر کے چند روز بعد ہی فلکیاتی ماہرین نے پاکستان میں عید الاضحیٰ کے حوالے سے پیشگوئی کر دی ہے۔
متحدہ عرب امارات کے ماہرین فلکیات نے 6 جون کو عید الاضحیٰ کی پیشگوئی کی ہے ،ایمریٹس آسٹرونومی سوسائٹی کے مطابق 27 مئی کی شام کو ذی الحج کا چاند نظر آنیکا امکان ہے، پیشگوئی درست ثابت ہونے پر امارات میں 28 مئی کو ذی الحج کے مہینے کا پہلا دن ہو گا۔
مصر کےماہرین فلکیات نے عید الاضحیٰ اور حج کے چاند کی متوقع تاریخوں کا اعلان کردیا
اماراتی وقت کے مطابق چاند صبح 7:02 پر طلوع ہو گا اور سورج غروب ہونے کے بعد تقریباً 38 منٹ تک آسمان پر دکھائی دے گاجس سے چاند نظر آنے کے امکانات بڑھ جاتے ہیں۔
دوسری جانب ماہرین فلکیات نے پاکستان میں چاند کے ابتدائی حسابات کی بنیاد پر عید الاضحیٰ کیلئے 7 جون کا امکان ظاہر کیا ہے تاہم عیدالاضحٰی کی تاریخ کا حتمی اعلان مرکزی رویت ہلال کمیٹی ذی الحج کا چاند نظر آنے کے بعد کرے گی۔