مشہور کامیڈی فلم ’انداز اپنا اپنا‘ 31 سال بعد ایک مرتبہ پھر سے سنیما گھروں میں

اردو نیوز  |  Apr 03, 2025

بالی وڈ کی مشہور کامیڈی فلم ’انداز اپنا اپنا‘ اپنی اوریجنل ریلیز کے 31 سال بعد دوبارہ سنیما گھروں میں ریلیز ہونے جا رہی ہے۔

نیوز ایجنسی اے این آئی کے مطابق سلمان خان اور عامر خان کی کامیڈی فلم ’انداز اپنا اپنا‘ کو 25 اپریل کو فور کے ری ماسٹرڈ ورژن کے تحت سنیما گھروں میں ریلیز کیا جائے گا۔

’انداز اپنا اپنا‘ کی ری ریلیز ڈولبی 5.1 ساؤنڈ کی اپ گریڈیشن کے تحت کی جائے گی۔

اس خبر کا اعلان فلم میکرز کی جانب سے سوشل میڈیا پر کیا گیا۔

’انداز اپنا اپنا فلم‘ انسٹاگرام ہینڈل نے اعلان کیا کہ ’پاگل پن کو دیکھنے کے لیے تیار ہو جائیں۔ انداز اپنا اپنا 25 اپریل 2025 کو سنیما گھروں میں دوبارہ سے ریلیز کے لیے پیش کی جا رہی ہے۔‘

انداز اپنا اپنا کا نیا ٹریلر بھی جلد ریلیز کے لیے پیش کیا جائے گا۔

اس ری ماسٹرڈ ورژن کو انڈیا بھر کے سنیما گھروں میں ریلیز کیا جائے گا۔

ہدایت کار راج کمار سنتوشی کی فلم انداز اپنا اپنا 4 نومبر 1994 کو ریلیز ہوئی تھی جس کے بعد اس فلم نے وقت گزرنے کے ساتھ ساتھ شہرت حاصل کی۔

    View this post on Instagram           A post shared by Andaz Apna Apna Official (@andazapnaapnafilm)

انٹرنیٹ کی مقبولیت کے بعد اس فلم نے دنیا بھر کے فلم بینوں کی توجہ حاصل کی۔

اس فلم کو کلٹ کلاسک کا درجہ دیا جاتا ہے یعنی یہ فلم مخصوص لوگوں میں بے حد پسند کی جاتی ہے۔

سوشل میڈیا پر ’انداز اپنا اپنا‘ کے سِینز اور ڈائیلاگز کو مِیم کی صورت میں بھی استعمال کیا جاتا ہے۔

اس فلم کے سکرین پلے کو 1972 میں ریلیز ہونے والی فلم ’وکٹوریہ نمبر 203‘ سے متاثر ہو کر لکھا گیا تھا۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More