کراچی کے ناردن بائی پاس پر ایک دل دہلا دینے والا حادثہ پیش آیا، جہاں ایک بے قابو ٹریلر نے معصوم زندگی کا چراغ گل کر دیا۔
عینی شاہدین کے مطابق، 15 سالہ اویس اپنی موٹر سائیکل پر سڑک عبور کر رہا تھا کہ اچانک ایک تیز رفتار ٹریلر نے اسے کچل دیا۔ حادثہ اتنا شدید تھا کہ اویس موقع پر ہی دم توڑ گیا۔
افسوسناک پہلو یہ ہے کہ حادثے کے بعد ڈرائیور موقع سے فرار ہوگیا، جبکہ اہل خانہ پر قیامت ٹوٹ پڑی۔ پولیس نے واقعے کی تحقیقات شروع کر دی ہیں اور فرار ہونے والے ڈرائیور کی تلاش جاری ہے۔
یہ حادثہ ایک بار پھر کراچی میں خطرناک ڈرائیونگ اور بے قابو بھاری گاڑیوں کے باعث شہریوں کی عدم تحفظ کو اجاگر کرتا ہے۔ دوسری جانب سوشل میڈیا صارفین کا یہ بھی کہنا ہے کہ ١٥ برس کے لڑکوں کا موٹر سائیکل چلانا قانونی طور پر غلط ہے اور یہ والدین کی بھی غلطی ہے جو کم عمر لڑکوں کو بائیک تھما دیتے ہیں۔