لاہور، پنجاب کابینہ کا اجلاس آج ساڑھے11 بجے طلب کرلیا گیا۔
اجلاس میں بینک آف پنجاب کے صدرکی دوبارہ تقرری کی منظوری لی جائے گی، ایف آئی آر، روزنامچہ اور کیس ڈائری کو ڈیجیٹل کرنے کی منظوری بھی ایجنڈے کا حصہ ہے۔
گوشوارے جمع نہ کرانے پر قومی و صوبائی اسمبلی کے 24 سابق ارکان نااہل
پنجاب کابینہ اجلاس میں معذور، بزرگ اور طلبا کے لیے ماس ٹرانزٹ منصوبے میں مفت سفری سہولت اور والڈ سٹی اتھارٹی کا دائرہ کار پورے صوبے تک وسیع کرنے کی منظوری لی جائے گی۔
صوبائی اجلاس میں اسپورٹس بورڈ کے آئین میں ترامیم، چاول کی پہلے کاشت پر پابندی بھی ایجنڈے میں شامل جبکہ وی وی آئی پیز کی ڈیوٹی کے لیے جیمرز کی منظوری بھی ایجنڈے کا حصہ ہے۔
رمضان نگہبان پروگرام 2025 کی منظوری، سرکاری کالونیوں میں سی سی ٹی وی کیمروں کی تنصیب، سرکاری ہیلی کاپٹر ایم آئی 17 کے انجن کی اوور ہالنگ اوروائس چانسلرزکی تنخواہوں میں اضافے کی منظوری ایجنڈے میں شامل ہے۔