بھارت: پولیس اہلکاروں نے حاضر سروس فوجی کرنل اور بیٹے کی درگت بنا دی

سچ ٹی وی  |  Mar 17, 2025

بھارتی پنجاب میں پولیس اہلکاروں نے فوج کے حاضر سروس کرنل اور اس کے والد کی درگت بنادی جس کی ویڈیو بھی سوشل میڈیا پر وائرل ہو رہی ہے۔

بھارتی میڈیا کے مطابق بھارتی پنجاب کے شہر پٹیالہ میں 13 مارچ کو پارکنگ کے تنازع پر پولیس اہلکاروں نے کرنل پشپندر بھات کو اپنی گاڑی ہٹانے کا کہا جس پر نئی دلی ہیڈ کوارٹر میں تعینات کرنل بھارت نے پولیس اہلکاروں کے لہجے پر اعتراض اٹھایا۔

پولیس اہلکاروں نے بھارتی فوج کے حاضر سروس کرنل کو گاڑی سے اتار کر شدید تشدد کا نشانہ بنایا جس کی سی سی ٹی وی فوٹیج بھی سوشل میڈیا پر وائرل ہے۔

وائرل فوٹیج میں دیکھا جا سکتا ہے کہ سادہ کپٹروں میں ملبوس بھارتی پولیس اہلکار کرنل بھارت کو گاڑی سے نیچے اتار کر لاتیں اور تھپڑ مارتے ہیں، پولیس اہلکاروں نے بھارتی فوج کے افسر کے بیٹے کو بھی تشدد کا نشانہ بنایا۔

پولیس حکام کا کہنا ہے کہ واقعے کی اطلاع پر 12 پولیس اہلکاروں کو معطل کر کے تحقیقات کا آغاز کر دیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More