کرائسٹ چرچ، پہلے ٹی20 میچ میں پاکستان کو نیوزی لینڈ کے ہاتھوں 9 وکٹوں سے شکست

اردو نیوز  |  Mar 16, 2025

نیوزی لینڈ نے پہلے ٹی20 میچ میں پاکستان میں 9 وکٹوں سے شکست دے دی ہے۔

اتوار کو کرائسٹ چرچ میں پہلے کھیلتے ہوئے پاکستان کی پوری ٹیم 91 رنز بنا کر آؤٹ ہو گئی۔

پاکستان کے دونوں اوپنرز بغیر کوئی رنز بنائے آؤٹ ہوئے۔ محمد حارث نے چھ گیندیں اور حسن نواز نے چار گیندیں کھیلیں۔

پاکستان کی بیٹنگ لائن بری طرح ناکام ہوئی، خوشدل شاہ 32 رنز بنا کر ٹاپ سکورر رہے۔ سلمان آغا نے 18 رنز بنائے۔

جہانداد خان 17 رنز بنا کر آؤٹ ہوئے۔

نیوزی لینڈ کے جیکب ڈفی نے چار اور کیل جیمیسن نے تین کھلاڑی کو آٹ کیا جبکہ ایش سودھی دو وکٹیں حاصل کرنے میں کامیاب ہوئے۔

مطلوبہ ہدف کے تعاقب میں نیوزی لینڈ کی صرف ایک وکٹ گری۔ ٹم سیفرٹ  44 رنز بنا کر آؤٹ ہوئے۔

نیوزی لینڈ کی ٹیم نے 10 اوورز اور ایک گیند کھیل کر 92 رنز بنا لیے اور میچ میں 9 وکٹوں سے کامیابی حاصل کی۔

پاکستان کے شاہین آفریدی نے دو اوورز میں 17، شاداب خان نے دو اوورز میں 18 اور محمد علی نے تین اوورز میں 25 رنز دیے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More