سونے کی قیمت آسمان چھو گئی۔۔ 1 تولہ سونا مہنگا ہو کر کتنے کا ملنے لگا؟

ملک میں سونے کی قیمت میں زبردست اضافہ دیکھنے میں آیا ہے، جہاں فی تولہ سونا 4700 روپے مہنگا ہو کر 3 لاکھ 14 ہزار روپے کی بلند ترین سطح پر پہنچ گیا ہے۔ یہ نیا ریکارڈ سنار بازار اور سرمایہ کاروں کے لیے حیران کن ہے، جو سونے کی قیمت میں روزانہ بدلتے رجحانات پر گہری نظر رکھے ہوئے ہیں۔

دس گرام سونے کی قیمت میں بھی بڑا اضافہ ریکارڈ کیا گیا، جو 4030 روپے اضافے کے بعد 2 لاکھ 69 ہزار 204 روپے تک جا پہنچی ہے۔

عالمی سطح پر بھی سونے کی قیمت میں نمایاں اضافہ ہوا ہے، جہاں بین الاقوامی مارکیٹ میں سونے کی قیمت 46 ڈالر بڑھ کر 2988 ڈالر فی اونس ہو چکی ہے۔