لاہور: وزیر اعلیٰ پنجاب مریم نواز نے کہا ہے کہ محفوظ اور ترقی یافتہ پنجاب بنائیں گے جو برداشت اور امن کی مثال بنے گا۔
وزیر اعلیٰ پنجاب مریم نواز نے انتہا پسندانہ تشدد کے انسداد کے عالمی دن پر اپنے جاری پیغام میں کہا کہ ہر قسم کے تشدد، انتہاپسندانہ رویے اور دہشتگردی کی مذمت کرتے ہیں۔ پاکستان نے دہشت گردی کے خلاف بے شمار قربانیاں دی ہیں۔
انہوں نے کہا کہ ہر سطح پر انتہا پسندی اور عدم برداشت کی حوصلہ شکنی کریں گے۔ اور کسی بھی شدت پسندانہ سوچ کو پنپنے کی اجازت نہیں دیں گے۔
یہ بھی پڑھیں: سپریم کورٹ کے 2 سینئر ججز کیخلاف ریفرنس بنایا جا سکتا ہے ، رانا ثناء اللہ
مریم نواز نے کہا کہ انتہا پسندانہ نظریات اور دہشت گردی کے خلاف جدوجہد جاری رکھیں گے۔ جبکہ حکومت امن، رواداری اور ہم آہنگی کے فروغ کے لیے اقدامات کر رہی ہے۔
انہوں نے کہا کہ نوجوانوں کو علم، ترقی اور مثبت سوچ کی راہ پر گامزن کر رہے ہیں۔ اور حکومت پنجاب کی پالیسیوں کا بنیادی مقصد بہتر معاشرہ تشکیل دینا ہے۔ محفوظ اور ترقی یافتہ پنجاب بنائیں گے جو برداشت اور امن کی مثال بنے گا۔