وزیر اعلیٰ پنجاب مریم نوز شریف کی ہدایت پر تین روزہ نیشنل ہارس اینڈ کیٹل شو لاہور میں 10 فروری سے شروع ہو گا، 30 سال بعد پہلی بار 70 بین الاقوامی ٹیمیں بھی شو کا حصہ بنیں گی۔
وزیراعلیٰ پنجاب مریم نواز شریف 9 فروری کو ’’ہارس اینڈ کیٹل شو 2025‘‘ کا افتتاح کریں گی جس کا عنوان’’اتحاد، ترقی اور ثقافت کی بحالی‘‘ ہے، نیشنل ہارس اینڈ کیٹل شو پہلی بار 1964میں منعقد ہوا، جبکہ آخری بار1995 میں منعقد ہوا تھا۔
پی ٹی آئی کو مینار پاکستان پر جلسہ کرنے کی اجازت نہ ملی
بین الاقوامی ٹیموں کی شرکت سے ہونے والا کیٹل شو 9 سے 23 فروری تک لاہور کے مختلف مقامات پر منعقد ہوگا، گھوڑوں اور پالتو جانوروں کے اس روایتی میلے میں کسانوں کو پالتو اورمفید جانوروں کی نمائش کا موقع ملتا ہے۔
ہارس اینڈ کیٹل شو میں نیزہ بازی، تیر اندازی، بُزکشی اور پولو کے مقابلے ہوں گے جبکہ گھڑ سواراپنی صلاحیتوں کا مظاہرہ کریں گے، ثقافتی تہوار، پھولوں کی نمائش اورآرائش گُل کے مقابلے بھی منعقد ہوں گے۔
روایتی کھانوں، مشروبات اورموسیقی کے فروغ کے لیے 14 سے 16 فروری موسیقی کے میلے منعقد ہوں گے صوفیوں، بزرگوں کو خراج عقیدت پیش کرنے اوران کی تعلیمات کیلئے 19 فروری کو صوفی فیسٹیول بھی ہو گا۔
سندھ میں 14 فروری کو تعلیمی اداروں میں چھٹی کا اعلان
اسی طرح صوبے کے روایتی کبڈی کے کھیلوں کے مقابلے 18 اور 19 فروری کو ہوں گے اور نایاب گاڑیوں کے شوقین افراد کے لیے کار شو 16 فروری کو ہو گا۔
ہارس اینڈ کیٹل شو کسانوں سمیت پنجاب کے ہر طبقے کے لوگوں کیلئے تحفہ ہے، گھوڑوں اور پالتو جانوروں کے میلے پنجاب کی ثقافت اور زراعت دونوں کے فروغ کا باعث بنیں گے۔