پاکستان کرکٹ ٹیم کے سابق فاسٹ باؤلر شعیب اختر نے چیمپیئنز ٹرافی کے سیمی میں پہنچنے والی ٹیموں کے بارے میں پیشگوئی کر دی ہے۔
ان کا کہنا تھا کہ پاکستان، افغانستان اور بھارت کی ٹیمیں سیمی فائنل میں پہنچیں گی۔ افغان ٹیم کے بارے میں انہوں نے کہا کہ ٹیم نے میچورٹی کا مظاہرہ کیا تو سیمی فائنل کھیل سکتی ہے۔
ویسٹ انڈیز کا پاکستان کیخلاف ٹی ٹوئنٹی اور ایک روزہ کرکٹ سیریز کے شیڈول کا اعلان
شعیب نے امید کرتے ہوئے کہا کہ 23 فروری کو بھارت کو پاکستان شکست دے گا، ان کا کہنا تھا کہ اگر پاکستان نیوزی لینڈ اور بھارت کو شکست دے دیتا ہے تو آدھا ٹورنامنٹ جیت جائے گا۔
انہوں نے خواہش کا اظہار کیا کہ چیمپیئنز ٹرافی کا فائنل پاکستان اور بھارت کے درمیان ہونا چاہیے، اس موقع پر ان کا کہنا تھا کہ اب ٹیم سلیکشن پر سوال نہ اٹھائیں بلکہ ٹورنامنٹ میں ٹیم کی سپورٹ کریں۔