پاکستان پیپلز پارٹی کے چیئرمین بلاول بھٹو زرداری کے وزن میں حالیہ کمی نے سوشل میڈیا پر تہلکہ مچا دیا ہے۔ مداحوں اور جیالوں میں مختلف قیاس آرائیاں گردش کر رہی تھیں، لیکن اب اس معمے سے پردہ اٹھا دیا گیا ہے۔
معروف صحافی امتیاز چانڈیو نے بلاول ہاؤس کے ذرائع کا حوالہ دیتے ہوئے ایکس (سابقہ ٹوئٹر) پر دعویٰ کیا ہے کہ بلاول بھٹو زرداری کے وزن میں کمی کسی ورزش یا ڈائٹ پلان کا نتیجہ نہیں بلکہ شوگر کی بیماری کے باعث انسولین کے استعمال کا اثر ہے۔
امتیاز چانڈیو نے اپنے پیغام میں بلاول بھٹو کی صحت کے لیے دعا بھی کی، جس پر جیالوں نے بھرپور ردعمل دیا اور ان کے جلد صحت یاب ہونے کی امید ظاہر کی۔
سوشل میڈیا پر بلاول بھٹو زرداری کی ہر نئی تصویر پر صارفین تبصرے کرتے نہیں تھک رہے۔ حال ہی میں ان کا موازنہ بالی ووڈ کے مشہور اداکار رنبیر کپور سے کیا گیا اور انہیں "مستقبل کے ہینڈسم وزیرِاعظم" قرار دیا گیا۔