کرم میں گزشتہ روز دہشتگرد حملے کے بعد صورتحال سنگین ہو گئی ہے جس کے باعث بنکرز مسمار کرنے کا آپریشن وقتی طور پر روک دیا گیا ہے۔
ذرائع کے مطابق گزشتہ روز دو بنکرز میں بارودی مواد نصب کر دیا گیا تھا اور 10 بنکروں کو مسمار کیا جانا تھا تاہم امدادی قافلے پر حملے کے بعد مورچوں کی مسماری معطل کر دی گئی۔
کرم جانیوالا امدادی قافلہ راکٹ حملے کے بعد واپس ٹل روانہ
ذرائع کا کہنا ہے کہ امدادی سامان کی ترسیل کا آپریشن بھی عارضی طور پر معطل ہے، امدادی اشیاء کا سامان ٹل کینٹ میں موجود ہے جس کی کلیئرنس نہیں ہو سکی۔
واضح رہے گزشتہ روز کرم جانے والے قافلے پر دہشتگردوں کے حملے میں دو اہلکار شہید جبکہ سکیورٹی فورسز کی جوابی کارروائی میں 6 حملہ آور ہلاک ہو گئے تھے۔