انسداد دہشتگردی عدالت لاہور نے مسلم لیگ ن کا آفس جلانے کے مقدمے میں پی ٹی آئی رہنماؤں سمیت 31 ملزمان پر فرد جرم عائد کر دی۔
پولیس نے ڈاکٹر یاسمین راشد، محمود الرشید اور اعجاز چوہدری کو عدالت میں پیش کیا ، صنم جاوید بھی عدالت میں پیش ہوئیں۔
عدالت نے یاسمین راشد، عمر سرفراز چیمہ، اعجاز چوہدری ، میاں محمود الرشید اور صنم جاوید سمیت دیگر ملزمان پر بھی فرد جرم عائد کر دی ، پی ٹی آئی رہنماؤں سمیت تمام ملزمان نے صحت جرم سے انکار کر دیا۔
جی ایچ کیو حملہ کیس، زین قریشی سمیت مزید 3 ملزمان پر فرد جرم عائد
عدالت نے کیس کی سماعت 22 جنوری تک ملتوی کرتے ہوئے اگلی تاریخ پر پراسیکیوشن سے گواہان کو طلب کر لیا۔ مسلم لیگ ن کا دفتر جلانے سے متعلق کیس کی مزید کارروائی کوٹ لکھپت جیل میں ہو گی۔