ملکہ کوہسار مری کے جنگلات میں گزشتہ رات بھڑکنے والی خوفناک آگ کو بالآخر بجھا دیا گیا ہے۔ ریسکیو ٹیموں کا کارنامہ: فائر بریگیڈ کی 2 گاڑیاں اور 20 سے زیادہ فائرفائٹرز نے کئی گھنٹوں کی جدوجہد کے بعد اس خطرناک آگ کو قابو میں کیا۔
ذرائع کے مطابق جنگلات میں لگنے والی آگ سے سینکڑوں قیمتی درخت اور سبزہ تباہ ہو گیا۔ ماہرین کے مطابق یہ نقصان ماحولیات کے لیے ناقابلِ تلافی ہے۔
ادھر امریکی ریاست کیلیفورنیا کے شہر لاس اینجلس کے جنگلات میں بھی آگ بھڑک اٹھی ہے، جس پر اب تک قابو نہیں پایا جا سکا۔
لاس اینجلس میں آگ بجھانے کے لیے 'گلابی' پاؤڈر کا استعمال کیا جا رہا ہے، جس کی وجہ سب کی توجہ کا مرکز بنی ہوئی ہے۔
فیڈرل بیورو آف الکوحل، ٹوبیکو اور فائر آرمز (اے ٹی ایف) نے آگ کی وجوہات کا سراغ لگانے کے لیے تحقیقات شروع کر دی ہیں۔ اے ٹی ایف کے افسر جوز میڈینا کا کہنا ہے:
"فی الحال کچھ کہنا قبل از وقت ہوگا، مگر کمیونٹی کے سوالات کا جواب دینا ہماری ترجیح ہے۔"