لاہور: انسداد دہشتگردی کی عدالت نے پاکستان تحریک انصاف (پی ٹی آئی) کے رہنماؤں شاہ محمود قریشی، یاسمین راشد اور صنم جاوید پر فرد جرم عائد کر دی۔
لاہور کی انسداد دہشتگردی کی عدالت میں 9 مئی کے جلاؤ گھیراؤ سے متعلق کیس کی سماعت ہوئی۔ عدالت نے پی ٹی آئی کے مرکزی رہنماؤں پر فرد جرم عائد کر دی۔
جن رہنماؤں پر فرد جرم عائد کی گئی ان میں پی ٹی آئی کے وائس چیئرمین شاہ محمود قریشی، یاسمین راشد اور صنم جاوید شامل ہیں۔
یہ بھی پڑھیں: ڈوبتی معیشت سنبھل گئی، پاکستان ترقی کرنے لگ گیا، وزیر اعلیٰ پنجاب
ملزمان نے انسداد دہشتگردی عدالت میں صحت جرم سے انکار کر دیا۔ کیس کی سماعت کوٹ لکھپت جیل میں ہوئی۔
ملزمان کے خلاف 9 مئی جلاؤ گھیراؤ کا مقدمہ شادمان پولیس نے درج کر رکھا ہے۔