کشتی حادثات میں ملوث ایف آئی اے کے 35 ملازمین برطرف اور 13 کیخلاف مقدمات درج کر دیئے گئے۔
وفاقی تحقیقاتی ادارے ترجمان کے مطابق برطرف ہونے والوں میں 4 انسپکٹر، 10 سب انسپکٹر، 2 اے ایس آئی، 5 ہیڈ کانسٹیبل اور 14 کانسٹیبل شامل ہیں۔
یونان کشتی حادثہ ، مزید 4 پاکستانیوں کی لاشیں مل گئیں
ڈی جی ایف آئی اے احمد اسحاق جہانگیر کا کہنا ہے کہ غفلت میں ملوث اہلکاروں کی ادارے میں کوئی جگہ نہیں۔ ادارے میں احتسابی عمل سے ہی انسانی اسمگلنگ کا خاتمہ ممکن ہو گا۔
احمد اسحاق جہانگیر نے کہا کہ کشتی حادثات میں ملوث اہلکاروں کیخلاف انضباطی کارروائی کو یقینی بنایا جائے گا، ادارے کو کرپشن اور دیگر بے ضابطگیوں میں ملوث کالی بھیڑوں سے پاک کیا جائے گا۔