میک اپ سرجری سے ہر کوئی ایک جیسا دکھنے لگا ہے، نیلم منیر

معروف اداکارہ نیلم منیر نے کہا ہے کہ آج کل کے دور میں خوبصورتی بڑھانے یا بڑھاپا چھپانے کے لیے خواتین کی جانب سے میک اپ سرجریز کرانے کی وجہ سے ہر کوئی ایک جیسا دکھنے لگا ہے۔

اداکارہ نیلم منیر نے حال ہی میں ایک پوڈکاسٹ میں شرکت کی، جہاں انہوں نے فٹنس اور خوبصورتی سمیت دیگر مسائل پر کھل کر بات کی۔

تعلقات میں فاصلہ دل کو اور قریب لاتا ہے، اننیا پانڈے

ایک سوال کے جواب میں اداکارہ نے کہا کہ دراصل خوبصورتی بڑھانے اور بڑھاپے کو چھپانے کے لیے میک اپ سرجریز کروانا شوق کا کام ہے اور مذکورہ کام وہی کرواتے ہیں جنہیں شوق ہوتا ہے۔

انہوں نے کہا کہ اگر کسی کے چہرے میں جھریاں ہو رہی ہیں یا کچھ لائنیں نظر آنے لگتی ہیں تو ان سے پریشان ہونے کی ضرورت نہیں، یہ قدرتی عمل ہے، جسے قبول کیا جانا چاہیے۔

انہوں نے کہا کہ آج کل تو ایسا ہوگیا ہے کہ ہر کسی نے چہروں پر اتنا کام کروایا ہے کہ تمام لوگ ایک جیسے نظر آنے لگے ہیں۔