صوبائی دارالحکومت لاہور میں نئے سال کی آمد پر آتش بازی پر مکمل پابندی عائد کر دی گئی ہے۔
انوائرمنٹ پروٹیکشن ایجنسی نے باقاعدہ طور پر نوٹیفکیشن جاری کر دیا ہے، ڈپٹی کمشنر لاہور کا کہنا ہے کہ نئے سال کی آمد پر کسی قسم کی آتش بازی نہیں کی جائے گی۔
این اے 262 کوئٹہ سے عادل بازئی کی رکنیت بحال
انہوں نے کہا کہ خلاف ورزی پر بلا امتیاز سخت کارروائیاں عمل میں لائی جائیں گی،ڈی سی لاہور نے کہا کہ فضا میں آلودگی کے پیش نظر نوٹیفکیشن جاری کیا گیا ہے۔
انہوں نے شہریوں سے اپیل کرتے ہوئے کہا کہ ضلعی انتظامیہ اسموگ کے تدارک کیلئے کوشاں ہے، شہری بھی تعاون کریں، بچوں، بزرگوں اور بیمار افراد کو خاص طور پر اسموگ کے مضر اثرات سے محفوظ رکھیں۔