انڈسٹری میں نئے آنے والوں کو مواقع دینا ہوگا، یشما گل

اداکارہ یشما گل نے کہا ہے کہ میں مسلسل محنت سے کامیابیاں حاصل کر رہی ہوں ہرکام میں کامیابی کیلئے محنت اور اپنی منزل کا تعین ضروری ہے سفارش کا زمانہ گیا اب ٹیلنٹ اور معیاری کام کو ترجیح دی جاتی ہے۔

ایک انٹرویو میں یشما گل نے کہا کہ اب تک میں نے شوبز انڈسڑی میں جتنا بھی کام کیا ہے میں اس بارے اپنی کارکردگی سے مطمئن ہوں۔

کبریٰ خان اور اذان کا’’میری تنہائی‘‘ 30 دسمبر سے آن ائیر ہوگا

پاکستان میں شوبز انڈسڑی میں جو ٹیلنٹ موجود ہے دنیا میں اسکی مثال نہیں ملتی صرف پاکستانی شوبز انڈسڑی میں نئے آنیوالوں کو مواقع دینے کی ضرورت ہے۔

انہوں نے مزید کہا کہ محنت اور منزل کے تعین کے بغیر کامیابی کا امکان کم ہوجاتا ہے لہذا نئے آنے والوں کو اس چیز کو مدنظر رکھنا چاہئے۔

انہوں نے کہا کہ میں اپنی موجودہ زندگی سے مطمئن ہوں کہ دل چاہتا ہے کہ وقت رک جائے مگر انسان کی ساری خواہشیں تو پوری نہیں ہوتیں۔