بینظیر بھٹو شہید جمہوریت کی علمبردار اور مفاہمت کی مضبوط حامی تھیں ، شہباز شریف

وزیراعظم شہباز شریف نے کہا ہے کہ بینظیر بھٹو شہید جمہوریت کی علمبردار اور مفاہمت کی مضبوط حامی تھیں۔

بینظیر بھٹو شہید کی برسی کے موقع پر اپنے پیغام میں وزیراعظم شہباز شریف کا کہنا تھا کہ آج ہم شہید بے نظیر بھٹو کی 17 ویں برسی منا رہے ہیں، بی بی شہید ہمت اور استقامت کی علامت بنیں تھیں۔

سابق وزیراعظم بے نظیر بھٹو شہید کا یوم شہادت آج منایا جا رہا ہے

شہباز شریف نے مزید کہا کہ میثاق جمہوریت بینظیر بھٹو کی پائیدار سیاسی سمجھ بوجھ کا ثبوت ہے۔

ان کا کہنا تھا کہ ان کے خاندان خاص طور پر صدر آصف زرداری، چیئرمین بلاول بھٹو زرداری اور انکے پیروکاروں کو دل کی گہرائیوں سے خراج تحسین پیش کرتا ہوں۔ بی بی شہید کا خاندان ان کے ویژن کو آگے بڑھا رہا ہے۔