پاکستان کرکٹ بورڈ نے ویسٹ انڈیز کے دورہ پاکستان کی تفصیلات کا اعلان کر دیا ہے۔
منگل کو پاکستان کرکٹ بورڈ (پی سی بی) کی جانب سے جاری بیان میں کہا گیا ہے کہ دونوں ٹیسٹ میچز ملتان میں کھیلے جائیں گے، پہلا ٹیسٹ 17سے 21 جنوری تک اور دوسرا 25 سے 29 جنوری تک کھیلا جائے گا۔
ویسٹ انڈیز کی ٹیم پاکستان کے خلاف راولپنڈی میں سہ روزہ میچ بھی کھیلے گی۔
یہ ویسٹ انڈیز کی ٹیم کا 19 سال میں پاکستان کا پہلا ٹیسٹ ٹور ہے۔ جبکہ اپریل 2018 سے وسیٹ انڈیز کی ٹیم تین مرتبہ پاکستان کا دورہ کر چکی ہے، جون 2022 میں ون ڈے سیریز کے لیے جبکہ دو مرتبہ اپریل 2018 اور دسمبر 2021 میں ٹی ٹوئنٹی سیریز کے لیے پاکستان میں میچز کھیلے تھے۔