پاکستان اور جنوبی افریقہ کے درمیان تین ون ڈے میچوں پر مشتمل سیریز کا پہلا میچ میں جنوبی افریقہ کے ہدف کے تعاقب میں پاکستان کی بیٹنگ جاری ہے۔
بولینڈ پارک، پارل میں پاکستان نے 14 اوورز میں دو وکٹوں کے نقصان پر 46 رنز بنائے ہیں۔
پاکستان کی جانب سے صائم ایوب اور محمد رضوان کریز پر موجود ہیں۔
جنوبی افریقہ نے مقررہ 50 اوورز میں نو وکٹوں کے نقصان پر 239 رنز بنائے ہیں۔
جنوبی افریقہ کی اننگز
جنوبی افریقہ نے ٹاس جیت کر اننگر کا پراعتماد آغاز کیا۔ اوپنر ٹونی ڈِی زورزی اور رائن رِکلٹن نے بہترین کارکردگی کا مظاہرہ کرتے ہوئے پہلے 10 اوورز تک ٹیم کا سکور باہمی شراکت داری میں 70 تک پہنچایا۔
ٹونی ڈِی زورزی 33 اور رائن رِکلٹن 36 رنز بنا کر سلمان علی آغا کا شکار بنے۔ اس کے بعد سلمان علی آغا ہی کے ہاتھوں راسی وینڈر ڈوسن آٹھ اور ٹرسٹن سٹبز ایک رنز بنا کر چلتے بنے۔
یوں 14ویں اوور کی پہلی گیند پر 90 کے مجموعی رنز پر جنوبی افریقہ کے ٹاپ آرڈر پویلین لوٹ چکا تھا۔
ہینرک کلاسین کریز پر اترے اور نہ کہ صرف انہوں نے تیزی سے گرتی ہوئی وکٹوں کو بچایا بلکہ چوکے اور چھکے لگا کر ٹیم کے سکور میں بھی نمایاں اضافہ کیا۔ ہینرک کلاسین دو چوکوں اور سات چھکوں می مدد سے 86 رنز کی اننگز کھیل کر شاہین آفریدی کا شکار بنے۔
ایڈن مارکرم 35، اینڈل فلیوک وایو ایک، مارکو جانسین 10، کاگیسو رباڈا 11 رنز بنا کر آؤٹ ہوئے جبکہ اوٹنِیل بارٹ مین 10 رنز کے ساتھ ناٹ آؤٹ پویلین لوٹے۔
پاکستان کی جانب سے سلمان علی آغا نے چار، ابرار احمد نے دو جبکہ شاہین شاہ آفریدی اور صائم ایوب نے ایک ایک وکٹ حاصل کی۔
یاد رہے کہ دونوں ٹیمیں اب تک 83 مرتبہ ون ڈے فارمیٹ میں آمنے سامنے آ چکی ہیں جس میں 30 میچز پاکستان نے جیتے جبکہ 52 میچوں میں جنوبی افریقہ نے کامیابی حاصل کی۔
پاکستان کی پلیئنگ الیون
پاکستان کی پلیئنگ الیون میں صائم ایوب، عبداللہ شفیق، بابر اعظم ،محمد رضوان (کپتان) ، کامران غلام، سلمان آغا، عرفان خان ، شاہین آفریدی، نسیم شاہ، حارث روف اور ابرار احمد شامل ہیں۔
جنوبی افریقہ کی پلیئنگ الیون
ٹونی ڈِی زورزی، رائن رِکلٹن، راسی وینڈر ڈوسن، ایڈن مارکرم، ٹرسٹن سٹبز، ہینرک کلاسین (وکٹ کیپر)، مارکو یانسین، اینڈل فلیوک وایو، کاگیسو رباڈا، اوٹنِیل بارٹ مین اور تبریز شمسی جنوبی افریقہ کی پلیئنگ الیون کا حصہ ہیں۔