تین ٹی20 میچوں پر مشتمل سیریز کے آخری میچ میں زمبابوے کی پاکستان کے ہدف کے تعاقب میں بیٹنگ جاری ہے۔
بلاوائیو میں جاری میچ میں زمبابوے نے 13 اوورز میں چار وکٹوں کے نقصان پر 87 رنز بنا لیے ہیں۔
اس سے قبل پاکستان نے مقررہ 20 اوورز میں سات وکٹوں کے نقصان پر 132 رنز بنائے تھے۔
پاکستان کی اننگز
پاکستان نے ٹاس جیت کر بیٹنگ کا مایوس کن آغاز کیا۔ پاکستان کی پہلی وکٹ دوسرے اوور کی دوسری گیند پر عمیر یوسف کی صورت میں اس وقت گری جب ٹیم کے مجموعی رنز صرف چار تھے۔ وہ صفر پر پویلین لوٹے۔
اس کے ٹھیک ایک اوور بعد یعنی تیسرے اوور کی پہلی گیند پر صاحبزادہ فرحان بھی چار رنز بنا کر چلتے بنے۔
ون ڈاؤن آنے والے عثمان خان بھی اچھی کارگردگی دکھانے میں ناکام رہے۔ وہ چوتھے اوور کی آخری گیند پر پانچ رنز بنا کر آؤٹ ہوئے۔ یوں چار اوورز میں 19 کےمجموعی رنز پر پاکستان کے تین بیٹر ناکام ہع کر پویلین لوٹ چکے تھے۔
اس کے بعد کپتان سلمان علی آغا کریز پر اترے تو تیزی سے گرتی ہوئی وکٹوں کا سنبھالا۔ وہ 32 رنز بنا کر آؤٹ ہوئے۔
پاکستان کی جانب سے طیب طاہر 21 ، قاسم اکرم 20، عباس آفریدی نے 15 رنز بنا کر آؤٹ ہوئے جبکہ عرفات منہاس 22 اور جہانداد خان چھ رنز کے ساتھ ناقابل شکست رہے۔
زمبابوے کے موزا ربانی نے 2 کھلاڑیوں کو آؤٹ کیا۔
اس موقع پر پاکستانی ٹیم میں چار تبدیلیاں کی گئیں ہیں۔
اس میچ میں پاکستانی ٹیم کی پلیئنگ الیون میں صائم ایوب، محمد عرفان خان نیازی، ابرار احمد اور حارث رؤف کی جگہ صاحبزاہ فرحان، قاسم اکرم، محمد حسنین اور عرفات منہاس کو شامل کیا گیا ہے۔
اس میچ میں پاکستانی ٹیم کی قیادت سلمان علی آغا کر رہے ہیں جبکہ سکندر رضا میزبان ٹیم کے کپتان ہیں۔
تین ٹی20 میچوں کی سیریز میں پاکستان کو 0-2 کی فیصلہ کن برتری حاصل ہے۔
اس سے قبل کھیلے گئے دوسرے ٹی20 میچ میں پاکستان نے زمبابوے کو 10 وکٹوں سے ہرا دیا تھا۔
پاکستان کی پلیئنگ الیوناس میچ کے لیے پاکستانی ٹیم کی پلیئنگ الیون میں عمیر بن یوسف، صاحبزادہ فرحان، عثمان خان (وکٹ کیپر)، سلمان علی آغا (کپتان)، طیب طاہر، قاسم اکرم، عرفات منہاس، جہانداد خان، عباس آفریدی، محمد حسنین اور سفیان مقیم شامل ہیں۔
زمبابوے کی پلیئنگ الیوناس میچ کے لیے زمبابوے کی پلیئنگ الیون میں برائن بینیٹ، تڈی واناشی مرومانی (وکٹ کیپر)، ڈیون مائرز، سکندر رضا (کپتان)، رائن برل، کلائیو مڈانڈے، تاشنگا موسیکیوا، ولنگٹن ماساکڈزا، رچرڈ این گاراوا، بلیسنگ مُوزاربانی اور ٹنڈوٹینڈا ماپوسو شامل ہیں۔