بلاوائیو: پاکستان اور زمبابوے کے درمیان 3 میچز کی سیریز کے پہلے میچ میں پاکستان کی بیٹنگ جاری ہے۔
پاکستان اور زمبابوے کے درمیان پہلا ایک روزہ میچ بلاوائیو میں کھیلا جا رہا ہے۔ پاکستان نے ٹاس جیت کر فیلڈنگ کرنے کا فیصلہ کیا۔
زمبابوے کی پہلی وکٹ 40 کے مجموعی رنز پر گر گئی۔ جولارڈ گمبی 15 رنز بنا کر پویلین لوٹ گئے۔ زمبابوے کا دوسرا نقصان ڈاییو مینرس کی صورت میں ہوا جو صرف 8 رنز ہی بنا سکے۔
ٹاس کے موقع پر گفتگو کرتے ہوئے قومی کپتان محمد رضوان نے کہا کہ 3 کھلاڑی آج ڈیبیو کر رہے ہیں۔ نئے ٹیلنٹ کو ٹیم میں موقع دیا ہے۔ اور نوجوان کھلاڑی بھی پاکستانی ٹیم میں شامل ہیں۔
انہوں نے کہا کہ پہلے اوورز بیٹنگ کے لیے مشکل ہوں گے۔ تاہم صورتحال کے مطابق ٹیم کو لے کر چلنا ہوتا ہے۔ اچھا کھیل پیش کرنے کی کوشش کریں گے۔
یہ بھی پڑھیں: بلائنڈ کرکٹ ورلڈ کپ، پاکستان نے جنوبی افریقہ کو8 وکٹوں سے ہرا دیا
قومی ٹیم میں آج عامر جمال، حسیب اللہ اور فیصل اکرم کا ڈیبیو ہوا ہے جبکہ زمبابوے سیریز میں پاکستان نے 3 اہم کرکٹرز بابر اعظم، شاہین شاہ آفریدی اور نسیم شاہ کو آرام دیا ہے۔
قومی اسکواڈ میں آج صائم ایوب، عبداللہ شفیق، کپتان محمد رضوان، کامران غلام، عرفان خان نیازی، سلمان علی آغا، حسیب اللہ، عامر جمال، حارث رؤف، محمد حسنین اور فیصل اکرم شامل ہیں۔