دنیا کی مقبول گیم "پب جی" نے ایک منفرد محبت کی کہانی کو حقیقت میں بدل دیا! امریکی لڑکی اور پاکستانی نوجوان کی دوستی، جو گیم کی اسکرین پر شروع ہوئی، بالآخر دھوم دھام سے شادی کے بندھن میں تبدیل ہوگئی۔
میڈیا رپورٹس کے مطابق، 18 سالہ فلورز سارہ اور چترال کے 23 سالہ شہادت حسین تین سال پہلے "پب جی" کھیلتے ہوئے پہلی بار رابطے میں آئے۔ یہ گیم دونوں کے درمیان دوستی اور پھر محبت کا ذریعہ بنی، جو بڑھتے بڑھتے زندگی بھر کا ساتھ بن گئی۔
شہادت حسین کا تعلق چترال کے خوبصورت علاقے مروئی سے ہے، جبکہ فلورز سارہ اپنی والدہ کے ساتھ حالیہ ہفتے لوئر دیر پہنچیں۔ دونوں کی شادی ایک نجی ہوٹل میں شاندار انداز میں منعقد ہوئی، جس نے لوگوں کی توجہ کا مرکز بنادیا۔
یہ کہانی اس بات کا ثبوت ہے کہ محبت نہ سرحدوں کی پابند ہوتی ہے اور نہ زبانوں کی!