اس سال حج پر کتنے پیسے کم ہوگئے ؟ پاکستان سے حج پر جانے والوں کے لئے خوشخبری

حج 2025ء کو سستا کرنے کے سلسلے میں وزارتِ مذہبی امور کو بڑی پیشرفت حاصل ہوئی ہے۔ ذرائع کے مطابق، حج کے فضائی سفر کے اخراجات میں کمی کی پہلی کامیابی سامنے آئی ہے، جس کے تحت ہر حاجی کو 50 ڈالرز کم ادا کرنے ہوں گے۔

پچھلے سال وزارتِ مذہبی امور نے ہر حاجی کے لیے فضائی کرایہ 850 ڈالرز میں طے کیا تھا۔ تاہم، اس بار پی آئی اے کے ساتھ مذاکرات کے بعد یہ کرایہ 800 ڈالرز فی حاجی پر طے کیا گیا ہے، جو حاجیوں کے لیے ایک اہم رعایت ہے۔

مزید برآں، وزارتِ مذہبی امور نے پی آئی اے کو 35 ہزار حاجیوں کا کوٹہ دے دیا ہے، جو انہیں حجازِ مقدس لے کر جائے گی۔ اسی طرح سعودی ایئر لائن بھی 35 ہزار عازمین کو سعودی عرب پہنچانے کی ذمہ داری نبھائے گی۔

حج پالیسی کے اعلان کے تحت زرِ تلافی کو 20 لاکھ روپے تک بڑھا دیا گیا ہے، جبکہ کمسنوں کے جانے پر پابندی بھی برقرار ہے۔ اس اقدام کا مقصد حج کو زیادہ سستا اور منظم بنانا ہے۔