دوسرے ٹی ٹوئنٹی میچ کا ٹاس آسٹریلیا نے جیت کر بیٹنگ کرنے کا فیصلہ کیا ہے۔ دوسرا ٹی ٹوئنٹی میچ سڈنی میں کھیلا جا رہا ہے۔
پی سی بی نے 16 خواتین کرکٹرز کے سینٹرل کنٹریکٹ کا اعلان کر دیا
ٹاس جیتنے کے بعد آسٹریلوی کپتان جوش انگلس نے کہا کہ پچھلا میچ 7اوور تک محدود تھا، ٹیم میں کوئی تبدیلی نہیں کی گئی،ہمارے پاس اچھی بالنگ لائن ہے۔
قومی ٹیم کے کپتان محمد رضوان نے کہا کہ میچ میں بہترکاکردگی کا مظاہرہ کریں گے،ٹیم میں ایک تبدیلی کی ہے،حسیب اللہ کی جگہ سفیان مقیم کو ٹیم میں شامل کیا ہے۔
آسٹریلیا کے خلاف دوسر ے ٹی ٹوئنٹی میچ میں پلیئنگ الیون کی قیادت محمد رضوان کریں گے، بابراعظم،صاحبزادہ فرحان،سلمان علی آغا، عثمان خان،عرفان خان،عباس آفریدی، شاہین شاہ آفریدی، حارث رؤف، نسیم شاہ اور سفیان مقیم ٹیم کا حصہ ہیں۔
آسٹریلیا کی پلیئنگ الیون میں کپتان جوش انگلس، میتھیو شارٹ، جیک فریزر، گلین میکسویل، ٹم ڈیوڈ، مارکس اسٹوئنس، ایرون ہارڈی، زوئیر بارلیٹ، نیتھن ایلس، ایڈم زمپا اور اسپینسر جانسن شامل ہیں۔