ملک کے کن شہروں میں آج بارش کا امکان ہے؟ محمکہ موسمیات کی پیش گوئی

پنجاب کے اسموگ سے متاثرہ شہریوں کے لیے خوشخبری، محکمہ موسمیات نے پیش گوئی کی ہے کہ آج شام سے پنجاب کے مختلف اضلاع میں ہلکی بارش ہونے کا امکان ہے۔

16 نومبر تک لاہور، راولپنڈی، مری، اٹک، چکوال، تلہ گنگ، جہلم، فیصل آباد، گوجرانوالہ، میانوالی، خوشاب اور سرگودھا میں بارش کی توقع ہے جو اسموگ میں کمی کا باعث بن سکتی ہے۔

اسی طرح 15 نومبر کو بھکر، لیہ اور ڈی جی خان میں بھی گرج چمک کے ساتھ بارش ہونے کی پیش گوئی ہے۔

ہفتے کے دوران خیبرپختونخوا، کشمیر اور گلگت بلتستان میں بھی بارش اور پہاڑوں پر برفباری کا امکان ہے، جس سے موسم مزید خوشگوار ہو سکتا ہے۔

دوسری جانب، موٹروے پولیس کے ترجمان نے بتایا ہے کہ ایم 2 اسلام آباد سے شیخوپورہ، ایم 3 لاہور سے درخانہ، اور ایم 5 شیر شاہ ملتان سے سکھر تک بند کر دی گئی ہیں۔ لاہور سیالکوٹ موٹروے بھی فی الحال بند ہے۔