راولپنڈی میں پاکستان اور انگلینڈ کے درمیان جاری تیسرے ٹیسٹ میچ کے پہلے روز کاکھیل ختم ہوگیا۔
پہلے روز کے اختتام تک پاکستان نے3وکٹوں کے نقصان پر 73رنز بنالیے،شان مسعود اور سعود شکیل16،16 رنز بناکر کریز پر موجود ہیں۔
پاکستان کو انگلینڈ کی برتری ختم کرنے کے لیے مزید 194رنز درکار ہیں،صائم ایوب 19،عبداللہ شفیق 14 اورکامران غلام 3رنز بنا کر آؤ ٹ ہوئے۔
قبل ازیں انگلینڈ نے ٹاس جیت کر پہلے بیٹنگ کا فیصلہ کیا۔ انگلینڈ کی ٹیم پہلی اننگز پر 267 رنز بنا کر آئوٹ ہو گئی۔
راولپنڈی ٹیسٹ میں انگلینڈ کی پہلی وکٹ 56 رن پر گری، زیک کرالی 29 رنز بنا کر نعمان علی کی گیند پر صائم ایوب کے ہاتھوں کیچ آئوٹ ہوئے۔
مجموعی اسکور جب 70 ہوا تو ساجد خان نے اولی پوپ کو تین رنز پر ایل بی ڈبلیو آئوٹ کر دیا۔ تیسری وکٹ جوروٹ کی گری انہوں نے 5 رنز بنائے وہ ساجد خان کے ہاتھوں ایل بی ڈبلیو آئوٹ ہوئے۔
انگلش ٹیم کا اسکور جب 98 پر پہنچا تو بین ڈکٹ 52 رنز بنا کر نعمان علی کی گیند پر ایل بی ڈبلیو آئوٹ ہو گئے، 98 ہی کے اسکور پر پانچویں وکٹ گری، ہیری بروک 5 رنز بناکر ساجد خان کا شکار بنے۔
آئی سی سی ٹیسٹ پلیئرز رینکنگ، بابر اعظم کی 4 درجے تنزلی، سلمان آغا کی ترقی
کھانے کے وقفے تک انگلینڈ نے پانچ وکٹوں کے نقصان پر 110 رنز بنائے۔ کھانے کے وقفے کے بعد انگلینڈ کا اسکور جب 118 ہوا تو بین اسٹوکس 12 رنز بنا کر ساجد خان کی گیند پر آغا سلمان کے ہاتھوں کیچ آئوٹ ہو گئے۔
225 کے مجموعی اسکور پر انگلینڈ کی 7 ویں وکٹ گری، آٹھویں وکٹ جیمی اسمتھ کی گری انہوں نے 91 رنز بنائے اور وہ زاہد محمود کی گیند پر محمد رضوان کو کیچ تھما کر پویلین لوٹ گئے۔ ریحان احمد کی نویں وکٹ ساجد خان کے حصے میں آئی اور جیک لیچ کی وکٹ بھی ساجد خان کے حصے میں آئی، محمد رضوان نے انہیں اسٹمپ آئوٹ کیا۔
انگلینڈ کی پوری ٹیم 267 رنز پر آئوٹ ہو گئی۔ ساجد خان نے 6 اور نعمان علی نے 3 کھلاڑیوں کو آئوٹ کیا، زاہد محمود نے ایک کھلاڑی کو آئوٹ کیا۔
پاکستان کی ٹیم میں کوئی تبدیلی نہیں کی گئی ہے، ٹاس کے موقع پر قومی ٹیم کے کپتان شان مسعود نے کہا کہ ٹاس جیت کر ہم بیٹنگ ہی کرتے۔
مسعود نے کہا کہ ٹاس کبھی پلان کے مطاق ہوجاتا ہے کبھی نہیں، ہمیں اچھی کرکٹ کھیلنی ہے، انہوں نے کہا کہ ہماری تیاری ہے اور اس کے مطابق کھیلیں گے، ا نگلینڈ کے خلاف کھیلنا اچھا تجربہ ہے۔
انگلینڈ ٹیم کے کپتان نے کہا کہ ایک اچھی وکٹ لگ رہی ہے،اچھی کارکردگی کامظاہرہ کریں گے،واضح رہے کہ پہلا ٹیسٹ انگلینڈ نے جیتا تھا اور دوسرا ٹیسٹ پاکستان نے جیتا تھا۔