آئینی ترمیم جیسا بڑا کام کسی اور چیف جسٹس کی موجودگی میں ممکن نہیں تھا ‘  بلاول بھٹو

چیئرمین پیپلز پارٹی بلاول بھٹو زرداری نے کہا ہے کہ 26 ویں آئینی ترمیم جیسا اتنا بڑا کام کسی اور چیف جسٹس کی موجودگی میں ممکن نہیں تھا ۔

برطانو نشریاتی ادارے کو ایک انٹرویو میں  بلاول بھٹو زرداری نے کہا  کہ مجھے نہیں معلوم تھا کہ منصور علی شاہ چیف جسٹس نہیں بنیں گے۔

متنازعہ طریقے سے آئین سازی ہوئی تو عدم استحکام اور بڑھ جائے گا،بلاول بھٹو

انہوں نے کہا کہ مولانا فضل الرحمٰن کے بغیر ہمارے نمبر پورے تھے، اپوزیشن کے ان پٹ کے بغیر ہمارے نمبر پورے تھے۔ ہم اپنی مرضی کا آئین بنا سکتے تھے لیکن پیپلز پارٹی کا طریقہ کار رہا ہے، میثاقِ جمہوریت کا وعدہ پورا کرنا ہے تو میں زور زبردستی کا ووٹ نہیں چاہتا تھا ۔

چیئرمین پیپلز پارٹی نے کہا کہ جو اختیارات آئینی عدالت کو ملنے تھے وہ تو آئینی بینچ کو مل گئے۔واضح رہے کہ گزشتہ روز جسٹس یحییٰ آفریدی کی بطور چیف جسٹس تقرری کا نوٹیفکیشن جاری کیا گیا تھا۔