موسمیاتی تبدیلیوں کے باعث رواں برس اسموگ میں اضافے کا خدشہ ہے، محکمہ موسمیات

ہم نیوز  |  Oct 22, 2024

اسلام آباد: محکمہ موسمیات نے موسمیاتی تبدیلیوں کے باعث رواں برس اسموگ میں واضح اضافے کا خدشہ ظاہر کر دیا۔

محکمہ موسمیات کے مطابق عمومی طور پر اسموگ نومبر سے دسمبر کے دوران جاری رہتی ہے۔ تاہم اس مرتبہ موسمیاتی تبدیلیوں کے باعث اسموگ میں واضح اضافے کا خدشہ ہے۔

دوسری جانب فیکٹریوں کی آلودگی اور گاڑیوں کا دھواں بھی اسموگ بڑھنے کا باعث بن سکتے ہیں۔

محکمہ موسمیات نے رواں برس پاکستان کے چند بڑے شہروں میں اسموگ بڑھنے کا خدشہ ظاہرکیا ہے۔ جن میں لاہور، گوجرانوالہ، شیخوپورہ، قصور اور فیصل آباد شامل ہیں۔

یہ بھی پڑھیں: وفاقی کابینہ کا اجلاس: حج پالیسی پھر مؤخر، بڑھتے پولیو کیسز پر رپورٹ طلب

اسموگ میں اضافہ شہریوں کی صحت اور ماحول کو بھی آلودہ کرسکتا ہے۔ جبکہ اسموگ کے دوران حد نگاہ کم ہونے کے باعث ٹریفک حادثات کا خطرہ بھی زیادہ ہے۔

اسکے علاوہ اسموگ سے متاثرہ شہروں میں دمہ کا مرض بڑھ سکتا ہے۔ بچے بزرگ اور قوت مدافعت کی کمی کا شکار افراد زیادہ متاثر ہو سکتے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More