چیئرمین تحریک انصاف بیرسٹر گوہر نے کہا ہے کہ پی ٹی آئی کے 2 سینیٹرز حکومت کو پیارے ہو گئے ہیں اور شاید دونوں آئینی ترامیم کے حق میں ووٹ ڈالیں گے۔
بیرسٹر گوہر نے نے سینیٹر فیصل سلیم اور زرقا تیمور شاہد کی حکومت کو پیارے ہونے کی تصدیق کرتے ہوئے کہا کہ ہم اس کی مذمت کرتے ہیں، لوگوں کو ایسے اٹھانا ہے تو یہ جمہوریت نہیں ہے۔
اپنے ارکان کو محفوظ مقام پر منتقل کر دیا ، 2 سینیٹرز حکومت کی کسٹڈی میں ہیں ، شیخ وقاص اکرم
انہوں نے کہا کہ بانی پی ٹی آئی سے مشاورت ادھوری رہی، آئینی ترامیم پر مشاورت جاری تھی کہ پولیس نے کہہ دیا ملاقات کا وقت ختم ہو گیا، بانی کی واضح ہدایات تک آئینی ترامیم پر ووٹ نہیں دیں گے۔