تحریک انصاف نے مجوزہ 26 ویں آئینی ترمیم کا حصہ نہ بننے اور ووٹنگ کے بائیکاٹ کا اعلان کر دیا۔
تحریک انصاف کی سیاسی کمیٹی کے اعلامیے کے مطابق پی ٹی آئی سینیٹ اور قومی اسمبلی دونوں ایوانوں میں آئینی ترمیم پر رائے شماری کے عمل کا مکمل بائیکاٹ کرے گی۔
آئینی ترمیمی بل پر پی ٹی آئی کا جواب آئے گا تو ووٹ دے سکیں گے، مولانا فضل الرحمان
پی ٹی آئی نے کہا ہے کہ تحریک انصاف کے ٹکٹس پر سینٹ اور قومی اسمبلی کا حصہ بننے والے ارکان پارٹی پالیسی اور عمران خان کی ہدایت پر عمل کے پابند ہیں، رائے شماری میں حصہ لینے والے ارکان کے خلاف بھرپور احتجاج کیا جائے گا۔
پی ٹی آئی کی سیاسی کمیٹی نے کہا کہ انتخاب پر کھلا ڈاکہ ڈالنے اور عوام کا مینڈیٹ ہتھیا کر ایوانوں پر قابض ہونے والے گروہ کے پاس آئین کو بدلنے کا کوئی اخلاقی، جمہوری اور آئینی جواز نہیں۔