پینتھرز کی ٹیم نے مارخورز کو شکست دے کر چیمپیئنز ون ڈے کپ جیت لیا۔
اتوار کو چیمپیئنز ون ڈے کپ کے فائنل میں پینتھرز اور مارخوورز کی ٹیمیں مدمقابل تھیں جہاں پینتھرز نے 5 وکٹوں سے کامیابی سمیٹ کر ایونٹ کا ٹائٹل جیت لیا۔
فیصل آباد میں کھیلے گئے فائنل میں مارخورز کی ٹیم نے پہلے بیٹنگ کرتے ہوئے 33.4 اوورز میں 122 رنز بنائے جبکہ پینتھرز نے مطلوبہ ہدف 5 وکٹوں کے نقصان پر 18 ویں اوور میں مکمل کیا۔
مارخورز کے 8 کھلاڑی ڈبل فیگر میں نہ جا سکے۔
مارخوروز کی جانب سے فخر زمان 46 رنز کی اننگ کھیل کر نمایاں رہے جبکہ پینتھرز کی جانب سے عرفات منہاس اور محمد حسنین نے تین، تین کھلاڑیوں کو آؤٹ کیا۔
فاتح ٹیم کی جانب سے عبدالواحد بنگلزئی نے 41 رنز اسکور کئے۔