دوسرے ٹیسٹ میچ کے آخری روز بنگلا دیش کی ہدف کی جانب پیشقدمی جاری ہے، کھیل شروع ہوا تو بنگلا دیش کا اسکور بغیر کسی نقصان کے 42 تھا۔
ذاکر حسن 31 رنز جبکہ شادمان اسلام 9 رنز کے ساتھ میدان میں اترے، لیکن ذاکر حسن نے 40 رنز بنائے تھے کہ وہ میر حمزہ کا شکار بن گئے۔
اس وقت شادمان اسلام 16 رنز اور نجم الحسین شانتو بغیر کوئی رنز بنائے وکٹ پر موجود ہیں اور بنگلا دیش کا مجموعی اسکور 58 ہو چکا ہے۔
واضح رہے کہ چوتھے دن کا آغاز ہوا تو پاکستان نے اس وقت دو وکٹوں کے نقصان پر 21 رنز بنا رکھے تھے، پاکستان کی آدھی ٹیم صرف 65 رنز پربنا کر پویلین لوٹ گئی۔صائم ایوب 20، شان مسعود 28 اور بابر اعظم 11 رنز بناکر آؤٹ ہوئے، شکیل مسعود محمد رضوان کا ساتھ دینے کے لئے آئے لیکن وہ بھی دو رنز بنا کر واپس لوٹ گئے۔
پاکستان نے کھانے کے وقفے تک چھ وکٹوں کے نقصان پر 117 رنز بنائے تھے اس طرح اس وقت بنگلہ دیش کی پہلی اننگز پر پاکستان کو مجموعی طور پر 129 رنز کی
ہانگ کانگ کے فاسٹ باؤلر نے تاریخ رقم کر دی
برتری حاصل تھی۔کھانے کے وقفے کے بعد کھیل شروع ہوا تو محمد رضوان نے اپنے اسکور میں مزید پانچ رنز کا اضافہ کیا تھا کہ 43 رنز پر حسن محمد کی گیند پر وکٹ کیپر کو کیچ تھما کر پویلین لوٹ گئے۔
سلمان آغا کا ساتھ دینے کے لئے محمد علی آئے لیکن وہ پہلی گیند پر ہی آؤٹ ہو گئے، ابرار احمد 2 رنز بنا کر کیچ آؤٹ ہوئے، پاکستان کی آخری وکٹ میر حمزہ کی گری انہوں نے 4 رنز بنائے، سلمان آغا 47 رنز کے ساتھ ناٹ آؤٹ رہے۔
اس طرح پاکستان کی پوری ٹیم 172 رنز بنا کر آؤٹ ہو گئی، پاکستان کو بنگلہ دیش پر 184 رنز کی برتری حاصل ہے۔ اس طرح بنگلا دیش کو دوسرا ٹیسٹ میچ جیتنے کے لیے 185 رنز کی ضرورت ہے۔
بنگلا دیش کی جانب سے ناہید رانا چار اور حسن محمود نے پانچ جبکہ تسکین احمد نے ایک کھلاڑی کو آؤٹ کیا۔ بنگلا دیش نے سات اوورز میں 42 رنز بنائے تھے کہ خراب موسم کی وجہ سے میچ روکنا پڑا۔ اس وقت ذاکر حسن 31 رنز جبکہ شادمان اسلام 9 رنز کے ساتھ کریز پر موجود تھے۔