راولپنڈی میں کھیلے جانے والے دوسرے ٹیسٹ میچ کی دوسری اننگز میں پاکستانی بیٹنگ مشکلات کا شکار ہے اور9 کھلاڑی پویلین واپس جا چکے ہیں۔
دوسرے ٹیسٹ کے چوتھے دن کا آغاز ہوا تو پاکستان نے اس وقت دو وکٹوں کے نقصان پر 21 رنز بنا رکھے تھے، پاکستان کی آدھی ٹیم صرف 65 رنز پربنا کر پویلین لوٹ گئی۔
صائم ایوب 20، شان مسعود 28 اور بابر اعظم 11 رنز بناکر آؤٹ ہوئے، شکیل مسعود محمد رضوان کا ساتھ دینے کے لئے آئے لیکن وہ بھی دو رنز بنا کر واپس لوٹ گئے۔
انگلینڈ نے سری لنکا کو دوسرے ٹیسٹ میں شکست دیکر سیریز اپنے نام کرلی
اس وقت محمد رضوان 38 رنز جبکہ سلمان آغا 7 رنز کے ساتھ کریز پر موجود ہیں، بنگلا دیشی بالرز کے سامنے کوئی بھی بلے باز خاطر خواہ کارکردگی نہیں دکھا سکا۔
پاکستانی بیٹنگ مشکلات کا شکار ہے اور پاکستان نے کھانے کے وقفے تک چھ وکٹوں کے نقصان پر 117 رنز بنائے اس طرح بنگلہ دیش کی پہلی اننگز پر پاکستان کو مجموعی طور پر 129 رنز کی برتری حاصل تھی۔
کھانے کے وقفے کے بعد کھیل شروع ہوا تو محمد رضوان نے اپنے اسکور میں مزید پانچ رنز کا اضافہ کیا تھا کہ 43 رنز پر حسن محمد کی گیند پر وکٹ کیپر کو کیچ تھما کر پویلین لوٹ گئے۔
سلمان آغا کا ساتھ دینے کے لئے محمد علی آئے لیکن وہ پہلی گیند پر ہی آئوٹ ہو گئے، ابرار احمد 2 رنز بنا کر کیچ آئوٹ ہوئے،
اس وقت سلمان آغا 25 رنز اور میر حمزہ 4 رنز کے ساتھ کریز پر موجود ہیں، پاکستان نے نو وکٹوں کے نقصان پر 150 رنز بنا رکھے ہیں اور اسے بنگلہ دیش پر 160 رنز کی برتری حاصل ہے۔
بنگلا دیش کی جانب سے ناہید رانا اور حسن محمد نے چار، چار جبکہ تسکین احمد نے ایک کھلاڑی کو آؤٹ کیا۔