راولپنڈی میں کھیلے جانے والے دوسرے ٹیسٹ میچ کی دوسری اننگز میں پاکستانی بیٹنگ مشکلات کا شکار ہے اور8 کھلاڑی پویلین واپس جا چکے ہیں۔
دوسرے ٹیسٹ کے چوتھے دن کا آغاز ہوا تو پاکستان نے اس وقت دو وکٹوں کے نقصان پر 21 رنز بنا رکھے تھے، پاکستان کی آدھی ٹیم صرف 65 رنز پربنا کر پویلین لوٹ گئی۔
صائم ایوب 20، شان مسعود 28 اور بابر اعظم 11 رنز بناکر آؤٹ ہوئے، شکیل مسعود محمد رضوان کا ساتھ دینے کے لئے آئے لیکن وہ بھی دو رنز بنا کر واپس لوٹ گئے۔
انگلینڈ نے سری لنکا کو دوسرے ٹیسٹ میں شکست دیکر سیریز اپنے نام کرلی
اس وقت محمد رضوان 38 رنز جبکہ سلمان آغا 7 رنز کے ساتھ کریز پر موجود ہیں، بنگلا دیشی بالرز کے سامنے کوئی بھی بلے باز خاطر خواہ کارکردگی نہیں دکھا سکا۔
پاکستانی بیٹنگ مشکلات کا شکار ہے اور پاکستان نے کھانے کے وقفے تک چھ وکٹوں کے نقصان پر 117 رنز بنائے اس طرح بنگلہ دیش کی پہلی اننگز پر پاکستان کو مجموعی طور پر 129 رنز کی برتری حاصل تھی۔
کھانے کے وقفے کے بعد کھیل شروع ہوا تھا محمد رضوان اپنے اسکور میں مزید پانچ رنز کا اضافہ کیا اور 43 رنز پر حسن محمد کی گیند پر وکٹ کیپر کو کیچ تھما کر پویلین لوٹ گئے۔
سلمان آغا کا ساتھ دینے کے لئے محمد علی آئے لیکن وہ پہلی گیند پر ہی آئوٹ ہو گئے، اس وقت سلمان آغا نے 18 رنز بنا رکھے ہیں اور ان کے ساتھ ابرار احمد 2 رنز کے ساتھ کریز پر موجود ہیں، پاکستان نے آٹھ وکٹوں کے نقصان پر 139 رنز بنا لیے ہیں اور اسے مجموعی طور پر 151 رنز کی برتری حاصل ہے۔
بنگلا دیش کی جانب سے ناہید رانا نے تین، حسن محمد نے چار جبکہ تسکین احمد نے ایک کھلاڑی کو آؤٹ کیا ہے۔