خیبر پختونخوا کے سابق وزیر شکیل خان نے خود پر لگائے گئے کرپشن کے الزامات کی جوڈیشل انکوائری کا مطالبہ کر دیا۔
میڈیا سے گفتگو کرتے ہوئے شکیل خان نے کہا کہ الزامات سے متعلق نیب انکوائری کے لیے بھی تیار ہوں۔
سیکرٹری سی اینڈ ڈبلیو نے ٹھیکوں میں 20 کروڑ روپے وزیر اعلیٰ کو دینے کا بتایا ، شکیل خان
انہوں نے کہا کہ خیبر پختونخوا میں بدعنوانی کے خاتمے کے لیے عمران خان کی ہدایت پر قائم کی گئی کمیٹی گڈ نہیں بلکہ بیڈ گورننس کمیٹی ہے ، 8 ستمبر کے جلسے تک خاموش ہوں، جلسے کے بعد مؤقف عوام کے سامنے رکھوں گا۔
سابق صوبائی وزیر نے مزید کہا کہ عارف علوی نے بانی پی ٹی آئی سے جلد ملاقات کرانے کی یقین دہانی کرائی ہے، بانی پی ٹی آئی کو ملاقات میں سب بتاؤں گا۔