اس سال سب کو بے چینی سے آئی فون 16 سیریز کا انتظار ہے. جبکہ بلومبرگ کی ایک رپورٹ کے مطابق ایپل کی جانب سھ نئے آئی فونز متعارف کرانے کی تاریخ بھی سامنے آگئی ہے.
عام طور پر ایپل، ستمبر کے مہینے میں دوسرے منگل یا بدھ کو نیا فون لانچ کرتا ہے. اس سال بھی کچھ ایسا ہی ہوگا اور نئے آئی فونز 10 ستمبر کو ایک ایونٹ کے دوران متعارف کرائے جائیں گے۔
رپورٹ کے مطابق لانچنگ ایونٹ میں آئی فون 16، آئی فون 16 پلس، آئی فون 16 پرو اور آئی فون 16 پرو میکس کے ساتھ ایپل واچ سیریز 10، ایپل واچ ایس ای اور ایپل واچ الٹرا 3 جیسی ڈیوائسز بھی متعارف کرائی جائیں گی۔
نئے آئی فونز کو دنیا بھر کے صارفین 20 ستمبر کو خرید سکیں گے۔