راولپنڈی میں بنگلہ دیش کے خلاف پہلے ٹیسٹ میچ کے پہلے دن پاکستانی کپتان شان مسعود امپائر کے متنازع فیصلے کا شکار ہوگئے۔
بنگلہ دیشی بائولر شرف الاسلام کی جانب سے کرائی گئی گیند شان مسعود کے بلے اور پیڈ کے قریب سے ہوتی ہوئی وکٹ کیپر کے ہاتھوں میں چلی گئی۔
کراچی کے صارفین کے لیے بجلی 5 روپے 75 پیسے مہنگی کر دی گئی
بنگلہ دیش کے کھلاڑیوں نے آؤٹ کی اپیل کی تاہم آن فیلڈ امپائر نے شان مسعود کو ناٹ آؤٹ قرار دیا جس پر بنگلہ دیشی کپتان نظم الحسین شانتو نے ریویو لے لیا۔
الٹرا ایج ٹیکنالوجی کی مدد سے جائزہ لینے کے بعد امپائر نے فیصلے کو تبدیل کرتے ہوئے شان کو آؤٹ قرار دے دیا۔
شان مسعود امپائر رچرڈ کیٹلبرو کے ساتھ اس بات پر اصرار کرتے رہے کہ گیند بلے کے بجائے انکے پیڈ کو چھوکر گئی ہے، ان کے احتجاج کے باوجود امپائر نے فیصلہ برقرار رکھا اور شان مسعود کو صرف 6 رنز پر میدان چھوڑنا پڑا۔
پنجاب بھر میں دفعہ 144 نافذ
پویلین واپس آنے کے بعد شان مسعود نے ٹی وی پر دوبارہ اپنے آؤٹ کا ری پلے دیکھا اور اپنے یقین کا اظہار کیا کہ گیند واقعی ان کے پیڈ سے ٹکرائی تھی ۔
پاکستان نے پہلے دن کھیل کے اختتام پر 4 وکٹوں کے نقصان پر 158 رنز بنائے ، محمد رضوان اور سعود شکیل کریز پر موجود ہیں۔