پاکستان کی پہلی فارمولا ون کار بنانے والے طلبہ نے برطانوی ایوارڈ جیت لیا.. کار کو بنانے میں کتنی لاگت آئی؟

فارمولا ون کار ریس ایک مہنگا کھیل ہے جو پاکستان میں نہیں کھیلا جاتا البتہ نسٹ یونیورسٹی سے تعلق رکھنے والے ذہین پاکستانی طلبہ نے ملک کی پہلی ہائبرڈ فارمولا کار تیار کر کے بڑا کارنامہ انجام دیا ہے۔

فارمولا ون کار کی تیاری میں 80 لاکھ روپے سے زائد لاگت آئی ہے. جبکہ اس کار کو بنانے کے لئے 52 طلبہ پر مشتمل طلبہ کام کررہے تھے. اس گروپ کے ایک رکن مونس علی کا کہنا تھا کہ اس گاڑی کو بنانے میں اعلیٰ کوالٹی کی کاربن فائبر اور گلاس فائبر کا استعمال کیا گیا ہے اس کے علاوہ یہ کار ایندھن کے ساتھ ایکسلریشن سے چارج ہوگی جس سے ماحول کا بھی تحفظ ہوگا۔ واضح رہے کہ فارمولا ون کار کی قیمت عام گاڑیوں کی نسبت کہیں زیادہ ہوتی ہے.

فارمولا ون کار بنانے والے طلبہ نیشنل یونیورسٹی آف سائنس اینڈ ٹیکنالوجی (نسٹ یونیورسٹی) کے سٹوڈنٹس ہیں.. انھوں نے صرف 6 ماہ کی مدت میں نہ صرف پاکستان کی پہلی ہائبرڈ فارمولا کار تیار کرلی بلکہ اپنی برطانیہ میں ہونے والے مقابلے میں ایوارڈ بھی جیت لیا۔