پی ٹی آئی کے رکن قومی اسمبلی ممتاز مصطفی انتقال کر گئے ہیں۔
ممتاز مصطفی پارلیمنٹ لاجز میں مقیم تھے، انہیں دل کا دورہ پڑا جس کی وجہ سے وہ جانبر نہ ہو سکے۔
ان کا تعلق رحیم یار خان سے تھا اور وہ این اے 171 (رحیم یار خان III) کی نشست جیت کر قومی اسمبلی میں آئے تھے۔
2 ججز کے اختلافی نوٹ نے اکثریتی فیصلے پر بڑا سوالیہ نشان لگا دیا، عطا تارڑ
ترجمان قومی اسمبلی نے بھی تحریک انصاف کے رہنما کے انتقال کی تصدیق کردی ہے، اسپیکر قومی اسمبلی سردار ایاز صادق کو ان کی وفات سے متعلق آگاہ کر دیا گیا ہے۔
ایم این اے کے انتقال کی وجہ سے آج قومی اسمبلی کا اجلاس بغیر کارروائی ملتوی کئے جانے کا امکان ہے۔
واضح رہے کہ تحریک انصاف کو انتخابی نشان نہ ملنے کی وجہ سے وہ آزاد حیثیت سے انتخاب لڑے تھے اور بعد ازاں پی ٹی آئی رہنما سنی اتحاد کونسل میں شامل ہو گئے تھے۔