کہیں ہلکی اور کہیں تیز بارش.. کل کراچی کے کون سے علاقے میں سب سے زیادہ بارش ہوئی؟

گزشتہ رات 8 بجے سے کراچی میں صبح 8 بجے تک ہونے والی مسلسل بارش کے اعداد و شمار محکمہ موسمیات نے جاری کر دیے.

محکمۂ موسمیات کے مطابق سب سے زیادہ بارش ناظم آباد میں 76.5 ملی میٹر ریکارڈ کی گئی. جبکہ سرجانی میں 72.4، قائد آباد میں 61 اور ملیر ہالٹ میں 54.1 ملی میٹر بارش ریکارڈ ہوئی.

گلستان جوہر میں 39.6، فیصل بیس پر 37، اولڈ ایئر پورٹ پر 49.4، جناح ٹرمینل پر 42.2 اور اورنگی ٹاؤن میں 42 ملی میٹر بارش، گلشن حدید میں 35، نارتھ کراچی میں 34، ابراہیم حیدری میں 13، گلشن معمار میں 12، کیماڑی میں7، ماڑی پور میں 5، کورنگی میں 3.8 ملی میٹر بارش ہوئی.

اس کے علاوہ ڈی ایچ اے میں بھی 2.2 اور صدر میں 2 ملی میٹر بارش ریکارڈ ہوئی جس کی وجہ سے بہت سی سڑکیں زیر آب آگئی ہیں.