پچھلے کئی دنوں کے حبس کے بعد اب نجی موسمیاتی ادارے کے کراچی باسیوں کو بارش کی نوید سنادی ہے.
نجی محکمہ موسمیات کا کہنا ہے کہ ہوا کا کم دباؤ وسطی بھارت پر موجود ہے اور گجرات کی جانب بڑھ رہا ہے۔ سندھ میں نیا اور طاقتور مون سون کا سسٹم داخل ہورہا ہے جس کی وجہ سے کراچی سمیت سندھ کے بیشتر شہروں میں آج سے جمعرات تک گرج چمک کے ساتھ بارش کا امکان ہے.
تھرپارکر، عمر کوٹ، مٹھی اور کراچی کے علاوہ دیگر مقامات پر آج رات سے بارش ہوسکتی ہے۔ جبکہ کل شام سے منگل کی شام تک کراچی میں تیز بارش کا امکان ہے۔ اس کے علاوہ آج بھی کراچی میں معتدل اور کہیں تیز بارش ہوسکتی ہے اور جمعرات تک وقفے وقفے سے بارش کا سلسلہ جاری رہنے کا امکان ہے.
نجی محکمہ موسمیات کے مطابق کراچی کے مختلف مقامات پر 30 سے 50 اور کہیں 100 ملی میٹر تک بارش کا امکان ہے.